‘T Booregezelschap van de Naäte Naäte is d’r gans klaor veur. Nao ‘n kneiterdruk oëtkômme in ’t Mafcentrum en al ‘nne gas activiteiten achter de rugk staon Yvet, Sjoerd en de ganse reutemeteut te springe veur wat alles wat nog komme geit. Het groëtste Booregezelschap oeits velt dit jaor neet te misse!
Asse zelf niks wils misse van de Boörebroelöf mosse ok zeker ’n kiër op de Instagram of Facebook van de Naäte Naäte ronkneuze: daor staon schoën foto’s van ’t Broedspaar en alle angere leeje van ’t gezelschap. Dees foto’s zien gemaakt door Naomi Leela en daor zitte mich toch ’n paar plaetjes beej! Veur degene zônger social media hebben we ozze liedjes en filmpjes op YouTube gezat zoëdet idderein mei kin zinge.
Oeteindelijk kump ’t allemaol aan op Vastelaovesdeezig: den is de verbinging in ’t onech beej ’t Gemeintehoës. Daorveur is natuürlijk gans Bree oetgenuüdigd, ’t zoë schoën ziën as het ‘nne gezellige en drukke daäg wuurd. Dus pak thoes get wôrs, kiës en ’n fleské schnapps en trek duchtig mei van ’s morges vruüg wiës in de late eurkes. De Sirremoniemèster is al tot in de puntjes veurbereid; de Pöstoër telt zien zaeges en de Veldwachter haojt alles nauwlettend in de gate (ofja, det dinkt hae zelf). Miër informatie stèt op de oëtnuüdiging; idderein is welkom en weej zouden ’t schoën vinge as geej met ôs ’n fiëstje komt viere.
Vastelaovend Same,
Yvet & Sjoerd en ’t ganse Naäte Naäte Boöregezelschap
