Zoë op ‘t ing van ‘t aoje jaor en ‘t begin van ‘t niejje begint ‘t beej vuül minse al ‘n bietje te kriebele: soms is ‘t gewoën jeuk maar dök zien ‘t de vastelaoveskriebels. En daor huüre auk de optôchkriebels beej!
C.V. d’n Hab haet in elk geval waer biëstig zin in ‘nne optôch en daorveur zien weej auk in in 2025 waer op zeuk naor enthousiaste, fanatieke en ièverige deilnemers.
Dus bis dich of kins dich eemus dae met de optôch mei wil doön, gaef dich den op via de website van d’n Hab!
Dit jaor zien er veur alle deilnemers veur ‘t iers niejje exclusieve gegraveerde pinkès: die staon goöd op elk pèkske. Auk zien de startpremies veur de groëte groepe (€75) en de wages (€150) verhoëgd.
Nao opgave neemt de optôchkemissie kontak met uch op: dees men kinne uch helpe met het vergaren van materiaal, bouwplaatse, tips & tricks veur konstruksies en ôngerwerpe / spelideeën.
Zoëas me ‘n gâs jaor truük altiëd zei: meidoön is schoëner as aan de kànk staon. D’n Hab kin nao grondig ôngerzeuk zegge det dees oetspraak 100% klopt. Dus gaef uch snel op, we zeën ôs met die daäg!
