Leef Boore en Boorinne,
Op 17 jannewari is in de Joekstempel van de Jeugvestelaovend ‘t Booregezelschap van de AJPC oëtgekômme. De Aod JeugPrinse Compagnie haet ‘t joeksige jubileum van 6×11 aangepakt öm de kweekviëver van de Vestelaovend in Bree döbbel en diek in de schiënwerpers te zette. Al 66 jaor plekt, ruukt en vûlt ‘t Maf as ‘t thoës van de Jeugvestelaovend en det waar de 17e ok ‘t geval: ‘nne kollesale aovend mèt ‘nne gas oranjese penninge en gaas wies oppe plank!
Det kin natuurlijk ok neet angers mèt al dae Vestelaoveservaring van dit Booregezelschap: allemaol aod Prinsesse, Adjudante, Organisasieleeje en Prinse van vruujer wies nouw. Danse, det kinne die! Shout, Twië Eimers water hale, Mexico, Matje weej zien Maf, Ba-ba Banküberfall: alle Mafkneiters kwame aan bod deze aovend. Maar; wie dök se ok mèt de schoön euver die vloer gès: die kriegse noëit miër zuüver, mâr pörbere kin altiëd. Mèt ‘t nieje AJPC-Broedspaär Maud en Freek veurop waar ‘t wies op ‘t ing van de aovend ‘same Maffe’ en schödde de ganse zaal! Vastelaovesband Scheuriëzer (die ok ‘n verleeje hebbe beej de Jeugdvestelaovend van ‘t Maf) zàt de ganse aovend de toën en same met ‘t Trio van d’n Hab en de Jeugdraod van Jeugdprinses Puck d’n 1e waar ‘t wies wiëd nao sloetingstiëd ‘n knalfiës!
Op Vastelaovesdeezig 17 Fibberwari, ‘s nammedaags öm 14:33 oor zalle Maud en Freek in d’n ônèch verbônge waere door de ‘AmbteJaer’. Dit alles veur ‘t Gemeintehoes beej Huub en Mar. Daonao kint geej ‘t Broedspaär en de res van ‘t gezèlschap de hank kômme schödde tiëdes eur resepsie beej Kefee de Pool. Bisse vruüg wakker: den bisse natuurlijk ok van herte welkom beej ‘t Kefeetrekke in de ochtend: 8:55 verzamele beej de Poolbar. CV d’n Hollehoeb zörgt ok dit jaor weer veur ‘n ontbijt met spèk en eier!
Ôs AJPC-Boorebroedspaär:
(Aod Organisatielid) Freek van Ruud van Jan van Twaalfhoven Antoon oet Akersloot en van Melissa, van Piet van Raedts van Klasse Sjang oet Zaerum.
en
(Aod Organisatielid) Maud van Marjo van Jac van Laor Wullem en Mie van verkers Jaer en
Theo van Lucy van Klompewiel en Thei van Pierre
We zeen ôs met die daag!
AJPC 2026
