Op 22 fibberwari is t wèr zoë wiëd; de 13de edisie van de Britse Boëtezitting! In 2011 hebbe ’nne gas rasechte Vestelaovesgengers zich beejein gerâpt öm de boëte Vestelaovend in Bree oppe kaart te zette. Wat begôs as ‘n idee aan de bar tiëdes de Vestelaovend in de stad, is inmiddels ’n evenement gewore woë gans Peel en Maas (en wiëd dao boëte) nao oëtkiekt. Idder jaor vinge miër Vestelaovesveerders de weeg nao ’t Maf (de truukweeg is doorgôns ‘n grôttere oëtdaging…). Weej as organizasie zien begôs mèt artieste oët Bree en de ömliggende dörpe te vraoge öm op te kômme traeje. Inmiddels staon d’r kei vuül artieste te popele öm dit fiës met ôs mei te bouwe en is d’r zellefs ’n ware wachtliës ôntstaon.
Ok zien weej keigruüts det weej vörrig jaor van CV D’n Hab de ‘Verdinste Habbe’ in ôntvangs hebbe moge nimme. Dit luüt zeen det de BBZ ’n evenement is woë neet allein weej as organizasie mâr gans Bree gruüts op is. Same met ônger angere Balder, Kepèl, Könningslus, Blierick, Heytse, Naer, Zerum en Grubbevors hope weej d’r op 22 fibberwari wèr ’n biëstig schoën fiës van te make.
We starte beej ’t Maf öm 13.11 oor mèt de eupening woënao ‘nne haup artieste oët de regio de bühne zal betraeje. Öm uch Vestelaoveshârtje alvâs wat sneller te laote kloppe make we al ènkele name bekind: Dansgroep Maasbree, Wim en Lowie oët Balder, Halluf öm hallef oët Beringe, Heite Soep oët Hors, Alaaf Airlines oët Dörp, De Gompies oët Graashook en uiteraard as inmiddels vâste arties, de Breurkes oët Kepèl.
Hopelijk zeen we uch den, den prooste we mèt ‘n lekker glaeske Brits Wauwelwater!
‘100% Vestelaovend veerse achter roëte, 111% dét veerse boëte!!’
