Door: Jaer Nijssen
Op zaoterdigaovend 16 november woor in Bree offisijeel de Vastelaovend ingeschote. De Hoephab waar wèr gesignaleerd, 11 knônsscheut volgde en joekskepel d’n Heiten Haspel zoej d’r ‘nne gezellige aovend van gaon make. As klap op de veurpiël zoeje de dansmarietjes eure iërste slager ten gehuüre bringe: “Ticktock, haoj toch op”. Op vriëdig 10 jannewari wônne dees dames ‘nne verdinstelikke 3e priës beej de P&M liedjesaovend.
Dit waar allemaol erg gezellig, mâr ‘t spel is idder jaor pas ech oppe wage naodet bekind gemâk is wae de scepter moog gaon zweije in ‘t nieje seizoen. En det gebeurde op ‘t Prinsebal op zaoterdig 18 jannewari, in ‘t Hoës van Bree. In ‘n gezellig gevölde joekstempel kwaam Prins Luc oët d’n hoëge hood as nieje hiërser van ‘t Britse Habberiëk. De aovend woor verder kundig en joeksig muzikaal ömliëst door de band Scheuriëzer!
Op zaoterdig 25 jannewari haet in ‘t Mafcentrum ok al ‘t jeugprinsebal plaats gevônge. ‘t Waar de organisasie wèr gelökt ‘nne waerdige jeugdprins te vinge. Jeugdprins Wullem I zal in ‘t Maf veurop gaan mèt die daag!
De volgende aktiviteit die de echte leefhebbers mèt hoofletters in de agenda gezât zalle hebbe, is ‘t Booremoosbal. Vörrig jaor vông dit festijn vur ‘t iërs in ‘n nieje stiël plaats. Nao ‘n korte en ludieke prissentasie van ‘t nieje gezelschap wuurt ok dae aovend oëtgepakt mèt ‘n band van formaat, namelik Sjuppe 7! Aangevuld mèt muziek van d’n DJ beloof ‘t ‘nne biëstig gezellige aovend te waere. De organisasie is in gôj heng van 2 vriendegroepe, die zich vereinigd hebbe ônger de naam “Naäte naäte” (ok wal Naät Kwadraat).
In ‘t dao-op vollègende weekend stèt wèr ‘n grandioos programma oppe planke tiëdes de Zittinge (vriëdigaovend 7 fibberwari), Aojerezitting en de Staoninge (zaoterdig 08-02). Verschillende Britse, mâr ok ‘nne hiele gas boëtedörpse artieste gaon dao zorge vur vuül humor, dans, muziek, mâr vural Vastelaovend! Det wilt geej toch neet misse?
Mèt de dreej dolle daag stiëds miër in aantoch, wuurt op donderdigaovend 13 fibberwari (in de dörpskern) en op zaoterdig 15 fibberwari (boëte de kôm) ‘t Vestelaovesbook verkoch. En jao, ge laest ‘t good. Dao woë we in Bree stiëds dökker vAstelaovend huüre en zeen, sprèkt de redaksie van ‘t book nag altiëd (enigszins gekschaerend) mèt ‘nne knipaug van ‘n vEstelaovesbook. In det book vingt ge truukblikke, ôntzettend vuül schoëne kiekjes van ‘t aafgelaupe seizoen, mâr ge kint d’r ok wiëzer van waere. Altiëd al miër wille weite euver de organisasie achter de Breerally? Of wilt ge nouw eindelik ‘s weite wat de kleur van ‘nne steëk van d’n Hab beteikent en wat die allemaol nag miër oëtspoëke as d’r neet gefiës wuurt? Haoj den de veurdeur in de gate op die twië daag.
In ‘t lètste weekend vur de Vestelaovend, op zaoterdig 22 fibberwari, vingt de 11+2e edisie (eigelik de 13e, mâr we môtte ok de waergode gunstig pörbere te stömme) plaats van de Britse Boëtezitting beej ‘t Maf. De organisasie heejvan haet ‘t vörrig jaor de ôngerscheijing ‘Verdinste Habbe’ in ôntvangs moge neme. En det ze dae verdind hebbe, det gaon ze wèr laote bliëke beej de edisie van dit jaor. 111% Vastelaovend is gegarandeerd!!
Op zônnig de 23e vingt den nag de recepsie van Jeugdprins Wullem I plaats in detzelfde Mafcentrum.
En den stèt ‘t hoëgfiës zellef vur de deur! ‘t gèt te wiëd öm dae nouw ok al wies in detail toe te lichte, mâr in ‘n notedöpke kump ‘t heej op naer: op vriëdig de schoëlkarneval, op zaoterdig de kingermiddig in ‘t Maf, op zônnig ‘dit waas d’n Baum’ (ok wal de zônnigmorge) en de recepsie, op mandig môt ge allemaol kômme kiëke nao (mâr leever nag mei kômme laupe in) d’n optoch en de Vestelaovend wuurt aafgeslote mèt de Boorebroelöf van Naät Kwadraat! Haoj de social media en angere kommunikasie in de gate, zoedet ge niks van dit alles hoof te misse! Weej winse ûch alvès ‘nne biëstig schoëne Ves- of is ‘t nouw Vastelaovend…Alaaf!
in ‘t ABN:
(De aanloop naar) Vestelaovend (of vastelaovend?) in Bree
Op zaterdagavond 16 november werd in Maasbree officieel de Vastelaovend ingeschoten. De Hoephab was weer gesignaleerd, 11 kanonschoten volgden en joekskepel d’n Heiten Haspel zou er een gezellige avond van gaan maken. Als klap op de vuurpijl zouden de dansmarietjes hun eerste slager ten gehore brengen: “Ticktock, haoj toch op”. Op vrijdag 10 januari wonnen deze dames een verdienstelijke 3e prijs bij de P&M liedjesavond.
Dit was allemaal erg gezellig, maar het spel is ieder jaar pas echt op de wagen nadat bekend gemaakt is wie de scepter mag gaan zwaaien in ‘t nieuwe seizoen. En dat gebeurde op het Prinsenbal op zaterdag 18 januari, in ‘t Hoës van Bree. In ‘n gezellig gevulde joekstempel kwam Prins Luc I uit de hoge hoed als nieuwe heerser van ‘t Britse Habberiëk. De avond werd verder kundig en joeksig muzikaal omlijst door de band Scheuriëzer!
Op zaterdag 25 januari heeft in ‘t Mafcentrum ook al het jeugdprinsenbal plaatsgevonden. Het is de organisatie weer gelukt om een waardige jeugdprins te vinden. Jeugdprins Wullem I zal in ‘t Maf voorop gaan met de Vastelaovend!
De volgende activiteit die de echte liefhebbers met hoofdletters in de agenda gezet zullen hebben, is het Booremoosbal. Vorig jaar vond dit festijn voor het eerst in een nieuwe stijl plaats. Na een korte en ludieke presentatie van het nieuwe gezelschap wordt ook die avond uitgepakt met ‘n band van formaat, namelijk Sjuppe 7! Aangevuld met muziek van de DJ belooft het een ontzettend gezellige avond te worden. De organisatie is in goede handen van 2 vriendegroepen, die zich verenigd hebben onder de naam “Naäte naäte” (ook wel Naät Kwadraat).
In het daaropvolgende weekend staat weer een grandioos programma op de planken tijdens de Zittinge (vrijdagavond 7 februari), Aojerezitting en de Staoninge (zaterdag 08-02). Verschillende Britse, maar ook veel buitendorpse artiesten gaan daar zorgen voor veel humor, dans, muziek, maar vooral Vastelaovend! Dat wil je toch niet missen?
Met de drie dolle dagen steeds meer in aantocht, wordt op donderdagavond 13 februari (in de dorpskern) en op zaterdag 15 februari (buiten de kom) het Vestelaovesbook verkocht. En ja, je leest het goed. Daar waar we in Bree steeds vaker vAstelaovend horen en zien, spreekt de redactie van het boek nog altijd (enigszins gekscherend) met een knipoog van een vEstelaovesbook. In dat boek vinden jullie terugblikken, ontzettend veel mooie kiekjes van het afgelopen seizoen, maar je kunt er ook wijzer van worden. Altijd al meer willen weten over de organisatie achter de Breerally? Of wil je nou eindelijk eens weten wat de kleuren mutsen van d’n Hab betekenen en wat die allemaal nog meer uitspoken als er niet gefeest wordt? Hou dan de voordeur in de gaten op die twee dagen.
In het laatste weekend voor de Vestelaovend, op zaterdag 22 februari, vindt de 11+2e editie (eigenlijk de 13e, maar we moeten ook de weergoden gunstig proberen te stemmen) plaats van de Britse Boëtezitting bij ‘t Maf. De organisatie hiervan heeft het vorig jaar de onderscheiding ‘Verdinste Habbe’ in ontvangst mogen nemen. En dat ze die verdiend hebben, dat gaan ze weer laten blijken bij de editie van dit jaar. 111% Vastelaovend is gegarandeerd!!
Op zondag de 23e vindt dan nog de receptie van Jeugdprins Wullem I plaats in datzelfde Mafcentrum.
En dan staat het hoogfeest zelf voor de deur! Het gaat te ver om die nu ook al tot in detail toe te lichten, maar in een notendop komt het hier op neer: op vrijdag de schoolcarnaval, op zaterdag de kindermiddag in ‘t Maf, op zondag ‘dit waas d’n Baum’ (ook wel de ‘zônnigmorge’) en de receptie, op maandag moeten jullie allemaal komen kijken naar (maar liever nog mee komen lopen in) de optocht en de Vestelaovend wordt afgesloten met de Boorebroelöf van Naät Kwadraat! Hou de social media en andere communicatie in de gaten, zodat je niks van dit alles hoeft te missen! Wij wensen jullie alvast “‘n biëstig schoëne” Ves- of is het nu Vastelaovend…Alaaf!
