❤️Habbe en Habbinne let op, dit jaor is de route gewijzigd! In verbàngk met de bouw van ‘t Laefplein is de Koök op veur de Baldersestraot. De route zal dit jaor ontbônge waere beej Cafetaria D’n Hab/Libelnet. Verder is de route nèt wie de aafgelaupe jaore: vanoët ‘t Maf richting ‘t Gemeintehoës en den door naor ‘n spetterende finale beej Kefée de Pool/De Vermaekerij.
💛D’r is vanaaf dit jaor veur elke optôchdeilnemer ‘n speciaal pinke te verkriege op ‘t ing van d’n optôch. Dit pinke kump ter vervanging van de medalie. Dees pinkes hebbe ‘n speuls design met historisch karakter, vormgegaeve naor ‘n icoon veur de Britse optôchte doör de jaore haer. De rest haoje we nog efkès geheim.
Wat dit pinke éxtra tof màkt is det ‘t jaortal in ‘t pinke gegraveerd zit. Zoë kin elke deilnemer van elk jaor pinkes spaare. Idder jaor hebbe de pinkes ‘n iets angere metaaltint, det zuüt d’r nog ens kek oet asse euver ‘n paär jaor ‘nne gas van die pinkes op dien pèkske kins spelde!
💙De aanmeldingen struime nog stiëds binne en wie schoën is het öm te zeën
det d’r dit jaor vuül groëte(re) groepe zich opgaeve. Det zörgt veur ‘n volle straot en ‘nne schoëne stoet van jôngk en aod dae door Bree trekt.
Extra sjiëk is det d’r ok dit jaor weer genôg niejje aanwas is, beejveurbeeld ‘Kiët De Ruige Hook’: Dees jônge bouwers ziën groët Vastelaovesfan en bouwe gàns zelf ‘nne groëte wage. ‘Gewoën lekker bouwe en meidoön’ is heur motto en daor kinne weej ze allein maar geliëk in gaeve!
Ok ‘De Ellendige Haaien’ doön dit jaor ok mei, veurnamelijk doör ‘t enthousiasme van de kinger van alle ‘aoje’ Haaien. Ze zien nog volop bezig maar hebbe d’r zin in öm de show te stelen op Vastelaovesmandig.
D’n Hab winst alle aoje, nieje, groëte en kleine deilnemers succes met de lètste veurbereidingen!
Begint ‘t toch nog te kriebele? Opgaeve kin nog altiëd via de site van d’n Hab of via deze link: https://docs.google.com/forms/d/e/1FAIpQLSd8tSn9ZicKvzv7OrBpw6fWI5kdt9cd1aJBEG8YLJ7ZOC1OIQ/viewform
We zeën ôs met die daäg!
